TVB 2008奧運金牌得主民族英雄簽唱握手大會

用了大半日的時間補讀前幾週的paper，總算慢慢追上進度。由於都關於Empirical studies，故內容離不開Statistic，亦很無趣。由下午開始讀著讀著直到晚上近10點，終於有點受不了便去0抖0抖。

點知一看原來又有古怪show－金牌得主們的演唱會。我好想知道，明知這班英雄們都說普通話，你點解派個叻哥去訪問呢？點解你要運動員們不倫不類去合唱呢？唱到走音咁點算？人地話晒係民族英雄喎。之前個太空人楊英雄又搞0的咁0野。嬲起上黎轉去李克勤套'他來自天堂'仲好。

說起奧運，（雖然有點遲）好友是個從來對運動都不太熱衷的人，佢卻每日對我匯報中國金牌數目，仲download節目。明明平時奧運總會捧場，但我這次卻一場都沒看過，只看了opening ceremony的前半段，連closing都冇睇。最近常常聽到的名字是林丹，又名'超級丹'（究竟點解超級？）。完全不知他是誰，好像是是羽毛球冠軍，有個銅牌女友？對他印象比較深，因為友人好迷這個超級丹，好靚仔喎。好似仲有個"郭幸福/方"？亦是冠軍人馬。唔...我想對於這次奧運我只知道這麼多，喔，還有郭晶晶個人2面金牌囉。